WIS LAKU

Esem kecut

Rai mbesengut

Tangan nyikut

Sikil katut

Nanging atiku panggah njekut

Dawaning ususku

Tan kinira sira

Dawaning lakuku

Tan kinira jaman

Ana rupa nggegirisi

Angadhang jangkah setyaku

Ana swara,

mbrebegi kupingku

Ana ucap,

nedhas balungku

kabeh mau mringis, mingis, mimis, agawe tangis

keplayu aneng pucaking wukir

kerem ing samodra rob

lan aku isih urip….